Oranjestad – 17 Augustus 2022- Na final di luna di maart Aruba Bank a lansa su campaña di hipoteca “Cumpra, Construi of Refinancia bo cas”, cu tawata valido pa tur cu a participa entre april y juli.
Sra. Sabina y su esposo Randolph Arends a logra remodela nan cas cu Aruba Bank y a gana 25 mil florin!. E pareha a ricibi tur conseho di hipoteca for di nos expertonan y a logra realisa nan soño, Sra. Louisette Vlinder a yuda nan sera e mihor deal pa asina nan por yega na nan cas. Den un tempo record nan a keda cla y nan por mira un avance hopi grandi den e parti di remodelacion di nan cas.
Nan ta sumamente contento cu nan premio di 25 mil fllorin cu lo yuda nan realisa un deseo adicional cu nan tawata tin pa e cas.
Aruba Bank ta extende su palabranan di pabien na e pareha pa e confianza. Alabes ta anuncia cu debi na e demanda lo saca un ganador mas di 25 mil florin pa e clientenan cu cumpra, construi of refinancia nan cas entre augustus y december 2022 cu Aruba Bank.