Pavia – Diaranson den careda di 11:30 mainta dos homber bringa cu otro pa motibo di debe.
Debe
E problema a surgi pa motibo di debe(placa) segun cu nos por a compronde.
Un homber lo a yega e adres na Pavia unda cu segun su version e homber eynan debe placa.
Bringamento a start
Polis a yega debi cu e “victima” kiermen cu un homber cu e no conoce a yega su cas pa cobra y a bringa cu ne.
E la mustra polis unda e agresor lo a cay bay y polis a bay e ruta y berdad a bin topa cu e homber unda cu a bay mesora over na detene.
Por a mira cu e victima lo a ricibi un kap chikito patras di su cabes y tawata sangra un tiki.
Durante cu polis a detene e agresor e la bisa polis cu nan por wak kiko a pasa, debi cu lo tin video beelden(Security Cam Footage).
Su version tawata cu e homber cu segun e debe kier a dal e cu un piedra na su cabes y aki ta unda e la defende su mes door di bringa bek.
Un otro patruya mientrastanto a bay e adres pa tuma declaracion di e victima. Na warda polisnan lo mester bay saca afo kiko a pasa exactamente.
