208
Brazil: Diasabra algo prome cu 10’or y mey di anochi, brandweer a sali cu urgencia pa un cas cu ta na candela na Brazil. E cas tabata keda den un hanchi riba Caya Bernadina Growell-Kock bay zuid, e caminda tabata basta smal pa e truck di brandweer yega lihe.
Polis a yega hopi lihe na e sitio y a nota cu e candela ta expandiendo, cu urgencia birando den e hanchinan brandweer a logra yega mas cerca y a cuminsa paga e candela, e candela a kima wayanan di coriente y mester a pidi pa presencia di Elmar. Brandweer na e sitio a logra domina y paga e candela completo.
Diadomingo den oranan di mainta un biaha mas un mondi a pega candela cerca di unda e cas a kima, presencia di brandweer a bolbe wordo pidi pa paga e candela.
