Watty Vos Boulevard – Rotonde Ponton
Diahuebs mainta algo pasa di 11:30 di mainta polis y ambulance a bay cu urgencia rotonde di Ponton cu ta conecta cu Watty Vos Boulevard.
Eynan un ciclista a wordo alcansa pa truck di Domesa.
Ciclista ariba suela
Na yegada di polis nan ta haya un bicicleta y banda di dje e ciclista.
Polis mesora por a mira cu e situacion pa e ciclista no ta bon y ta pidi pa autoridadnan competente.
Dos ambulance na e sitio
Paramediconan cu a yega mesora a baha pa bay duna asistencia, pero mucho nan no por a haci debi cu e ciclista a ricibi golpi fuerte na cabes.
Esaki muy probablemente lo tawata e causa principal cu e no a sobrevivi.
Departamento di trafico
Specialistanan di trafico cu a yega e sitio mesora a cuminsa compila dato di testigonan y tambe tawata papia cu e chauffeur di Domesa.
Na final polis a confisca e truck di Domesa tambe pa mas investigacion.
No ta duidelijk si e truck por tawata transportando placa e momento ey.
Dokter a Texier
Pa 12:25 dr Texier ta constata morto e Franklyn E. DIRKS, naci 25-07-1958 .
