ORANJESTAD, Aruba –20 di april 2022 – Pa Aruba Bank e empleado ta central ora di priminti e clientenan “Un Experencia Superior”. Cu esaki den mente Aruba Bank ta nomina un empleado ehemplar tur luna.
E empleado cu ta escohi ta esun cu durante di e luna a haci su maximo esfuerzo pa brinda momentonan superior na tur esnan cu bishita Aruba Bank of haci uzo di un manera of otro di un servicio di banco.
Juan Fingal a ser seleciona durante di luna di januari pa su servicio rapido na clientenan. Juan a brinda un experencia superior door di bai e extra miya ora di duna servicio na clientenan. Juan ta haci esaki door di semper bin cu ideanan nobo y inovativo pa asina por mehora e calidad di servicio duna na nos clientenan.
Nos Junior Application Engineer na Aruba Bank, Juan, ta gusta haci proyectonan manual na su propio hogar, den su tempo liber.
Aruba Bank ta felicita y gradici tur e miembronan di e famia di Aruba Bank cu a wordo nomina pa yuda brinda tur cliente “Un Experiencia Superior”. Pabien Juan!