Accidente na Kibaima despues cu un auto a haci un U-turn riba e caminda

Kibaima/Balashi: Diamars den oranan di mainta a sosode un accidente cu un persona herida. Esaki a sosode na momento cu chauffeur di un Suzuki WagonR a bay haci un U-turn, no lo a pone tino cu di direccion contrario tabata biniendo un otro auto. E chauffeur di e Suzuki a dal e Ford shinishi den banda y Ford na su turno a bay dal contra un palo di lus.

E chauffeur di e Ford a keda herida y tabata tin mester di asistencia medico di ambulance. Polis a presenta na e sitio y a atende cu accidente. Personal di ambulance tambe a presenta na e sitio y a trata e chauffeur di e Ford na e sitio.