174
Palm Beach/ Bushiri – Diasabra marduga den careda di 2’or un caso di tiroteo dilanti Lekker a tuma luga, unda cu ocupantenan di dos auto a tira ariba otro.
Autoridad cu a yega e sitio mesora a pone cinta geel, unda cu investigacion rigoroso lo mester a cuminsa.
Algun rato despues, Flatnan na Bushiri
Diasabra marduga algun rato despues di e incidente dilanti Lekker, autoridad compaña pa Team di Aresto a drenta un adres den flatnan na Bushiri.
No ta descarta e posibilidad cu e entrada hudicial aki lo por ta relaciona cu e tiramento algun rato prome. Tampoco ta conoci cuanto persona a wordo deteni eynan pero e dama hoben aki a wordo transporta for di Bushiri unda e entrada hudicial a tuma luga pa warda di Shaba.
