J.E.Irausquin Boulevard – Dialuna anochi den careda di 8:30 un caso di hit&run a sosode tegenoven Hyatt Hotel, un persona wordo alcansa pa un auto color blanco.
Polisnan a yega basta lihe y algun minuut su tras ambulance tambe
Mitsubishi color blanco
E auto aki bayendo direccion nort a dal un persona y bandona e sitio, pues manera nada un pasa e la sigui su caminda.
Paramediconan a transporta e persona cu ta un dama pa Hospitaal, esaki tur despues di a stabilise.
Danki na testigonan, polis di trafico atento fuera di a haya e adres unda e vehiculo ta registra y alabes ta pertenece na un compania a bin topa cu e auto Mitsubishi.
Esaki tawata panort den area di Palm Beach Plaza, pero e chauffeur mes no a wordo localisa.
No a keda polis nada otro pa pidi pa takelwagen lanta e auto y bay cu ne warda pa mas investigacion.
