Kuerpo Polisial Korsou: Polis ta pidi koperashon den búskeda di sospechoso.

Willemstad, Korsou:
Relashoná ku e kaso di tiramentu di morto ku a tuma lugá djabièrnè 25 mart 2022 den Cubaguaweg, (Komunikado di Prensa 155/2022) polis ta enbuska di un sospechoso.

Ta trata di e hòmber Garret Orainne Garricks, nasé na Jamaica di 35 aña di edat, bibá na Julian 41.
Kualke persona ku por tin informashon di e hòmber aki por tuma kontakto ku polis via di e number di telefòn 917 òf 108 ku ta e number anónimo.

Polis ke atvertí ku na momentu ku koperá pa skonde un persona ku ta ser buská pa hustisia, esaki ta kastigabel pa lei.
Ban huntu ban solushoná un kaso mas.