Sabana Liber – Diabierna mainta trempan polis mester a bay poco pura pariba di e bocht na Sabana Liber, unda un accidente lo tawata saliendo for di man o sea lo kier of a bringa cu otro.
Na yegada polis a hala atencion debidamente di e partido cu tawata pensa cu e ta “gana”, relaciona cu e accidente.
Ta asina cu e Kia Cerato a bira dilanti e Ford Focus cu tawata tin dos menor di edad den dje, causando cu e Ford a dal contra e Kia hopi duro.
E Ford a sufri hopi daño material y ariba dje problema lo a start, mientras e tata lo tawata tin dos yiu menor di edad den e auto cu tawata tin mester di atencion medico.
Na yegada di polis cos lo a calma y a pidi ambulance pa e muchanan, cu mas cu claro tawata hopi spanta.
Polis a splica chauffeur di e Kia Cerato duidelijk cu e la bira dilanti e Ford y cu e ta fout, y ni maske cu e trafico contrario ta bin cu velocidad halto una bes bo bira/sali dilanti trafico contrario bo ta fout.
Paramediconan a atende cu e muchanan na e sitio. Takelwagen mester a presenta pa a move e autonan cu no por a core ariba nan propio forsa mas.
