L.G. Smith Boulevard:
Diaranson algo despues di 4’or di atardi, un Jeep Wrangler A 57871, color blanco den careda su motor a pega candela riba L.G. Smith Boulevard un poco pariba di Citgo Boulevard.
Mesora a pidi pa presencia di polis y brandweer. Mirando cu hopi liher vlamnan tabata sali for di e parti di dilanti di e auto, polis e dicidi di cera e caminda for di e crusada pabou di Royal Plaza pa e crusada pariba di Citgo Boulevard.
Brandweer a yega y hopi lihe a logra domina y paga e candela. E motor y e parti dilanti a keda completamente kima.
No ta prome biaha cu e Jeep Wranglernan, varios jeep nan motor a jega di pega candela. Segun nos a compronde for di un experto, cu hopi di e jeep wranglernan vooral 2009 cu tin mas aña, sa haya problema cu harnass y computerbox, e computerbox lo ta manda di mas coriente y e altinator no lo por controle, si e doño no check esakinan na tempo y no drechanan, e por pega candela.
