Bubali: Diabierna algo pasa di 9’or di anochi a sosode un accidente riba e caminda di bubali direcion noord, e accidente tabata entre un Kia Rio y un Hyundai Tucson. E chauffeur di e Kia Rio a keda herida.
E Kia Rio blanco tabata bayendo direcion panort y pa un of otro motibo e la hala na su robes, net na momento cu di direccion contrario tabata biniendo e Hyundai Tucson.
E chauffeur di e Tucson a ripara cu e Kia Rio tabata biniendo frontal riba dje y e la dicidi di hala na e banda di caminda tratando asina di evita un boksmento frontal, pero asina mes e Kia Rio a dal den banda di e Hyundai Tucson.
Ambos auto a haya basta daño material y e dama chauffeur di e Kia Rio a keda herida. E dama chauffeur a haya sla na pecho y cabes. E ambulance a tarda poco y e dama no por a wanta e dolor y a bay cu auto particular Polie.
Forensys a presenta na e sitio pa asina tuma tur datos di e accidente.
