Diabierna 18 di maart 2022, Aruba a celebra su dia nacional di Himno y Bandera en grandi. Esaki despues di dos aña cu Aruba no por a celebre manera nos tabata custuma di haci’e. Un cantidad grandi di actividadnan rond di nos isla.
E tabata un siman di celebracion, na scolnan, diferente companianan, oficinanan y departamento di gobierno etc. cu a celebra Dia di Himno y Bandera.
Banda di e actividad riba Plaza Betico 17 di maart anochi, tabata tin tambe na Cede di MEP hisamento di e bandera mas grandi. E dia a cuminsa cu e ceremonia protocolario mainta riba Plaza Betico. Despues den tur bario tabata tin actividad, benta di cuminda y cos dushi.
San Nicolas a habri e mainta aki na e rotonde di Bernhardstraat cu Pastoor Hendrikstraat, mainta cu un bunita presentacion di un caha di Orgel, nos Himno nacional a wordo canta pa un dama simpatico y e bandera a wordo hisa. Asina aki e celebracion di nos dia nacional a cuminsa. For di mainta te den oranan di anochi tabata tin difernte actividad rond di nos isla.
Por aprecia algun imagen di con e pueblo di Aruba a celebra nos dia nacional di Himno y Bandera.
