Brazil/Savaneta:
Diahuebs den oranan di atardi a surgi un caso di menasa na un adres na Brazil, un of mas persona a sintinan intimida y a bati alarma y polis a cuminsa cu un buskeda pa e Nissan March Blauw cu lo ta pasa menasa hende.
Na un cas na Brazil, nan a bin topa cu e Nissan March blauw aki. Polis a rista den e auto y bou di e sienta a bin topa cu un arma di candela. E dos personanan cu tabata cu e Nissan March a wordo deteni na e sitio y e auto a wordo confisca.
Tambe un persona conoci di polis tambe tabata na e adres aki y lo a sali pura pura bay, riba e caminda di Savaneta banda di lama, na altura di Zeerover a bin topa cu e auto aki. Ambos ocupante a wordo deteni y nan auto tambe a keda confisca.
E cuater personanan aki a wordo deteni y nan autonan confisca pa mas investigacion.
