Santo di Patia, K.I.A.:
Recientemente na cuminsamento di maart un preso a wordo seriamente maltrata door di un otro preso.
E preso cu a wordo maltrata ta Yael Frans, cu ta cera debi na su envolvimento den e caso di asesinato na Pos Chikito na 15 Januari 2021, den cual e hoben Ignacio a perde su bida. Frans lo tawata hunto cu e otronan cu a bay tira y den cual e hoben Ignacio a wordo asesina.
Segun informacion, Frans a keda seriamente herida, e la ricibi fracturanan serio na su cachete y ta actualmente interna na Hospitaal, pendiente pa wordo manda den exterior pa tratamento medico.
Frans a wordo condena ariba 26 di november 2021 na 15 luna di prison.
E maltrato lo a sosode den cel door di un recidivista di fam Webb. Esaki lo a pasa pa motibo di humamento di marihuana, pa con increibel cu e por zona.