173
Congoweg, San Nicolas:
Diamars den careda di 7’or y mey di anochi, presencia di polis a wordo pidi cu hopi urgencia na un cas den Congoweg pa motibo cu a bin topa cu un homber riba vloer y no lo tabata duna señal di bida. E homber lo tabata tur na sanger.
Na yegada polis mesora a pidi pa un ambulance, pero na yegada di ambulance no por a haci nada mas cu yama dokter pa constata morto. E persona lo tabata tin basta ora morto y na comienso e caso tabata mustra un poco sospechoso.
Autoridad a cera e area cu lint y a haci un investigacion na e sitio. Despues cu a caba cu e investigacion haci a bin resulta cu tabata trata di un morto natural.
