Sero Preto:
Dialuna algo prome cu 5’or alarma a wordo bati pa un candela di mondi basta grandi na Sero Preto, e candela lo tabata menasando un cas y tabata hopi halto.
Hopi lihe un truck di brandweer a yega na e sitio y a cuminsa combati e candela, pero e candela a keda expande cu mester a pidi mas truck di brandweer pa yuda domina e candela. E candela tabata basta halto te na dak di e cas, e la sigui expande y a kima e ex veld di baseball por completo.
Na dado momento e candela banda di e cas a bira swak, riba e veld banda di un container e lo tabata mas grandi, pero brandweer no por a yega facilmente na e candela, bisinjanan a mustra nan unda pa pasa riba nan tereno pa asina nan por a yega mas cerca y combati e candela.
Despues di basta rato brandweer a logra domina y paga e candela di mondi por completo.
