Santa Cruz – Diadomingo marduga habitantenan a sali pafo despues di a scucha un zonido fuerte pafo di nan cas. Esaki tawata un poco prome cu yega e bocht peligroso di Santa Cruz.
Ora e habitantenan a sali, nan a mira cu un Jeep Wrangler a perde control y drenta den un cura di cas.
Na yegada e polisnan mesora a haci e chauffeur hoben algun pregunta y e la admiti cu e lo dal algun drinks.
E la conta polis cu e lo tawata biniendo for di pariba, bayendo direccion di Piedra Plat. Pa un of otro motibo a perde control y a kita bay na su man robes, baha caminda y bay dal den un cura di cas y a kibra esaki.
Algun rato despues doño di e cas a y compania di seguro yega na e sitio.
Polisnan a pidi pa un alcohol sensor y a test e chauffeur, e no lo a pasa e limite di alcohol permiti y e chauffeur NO a wordo deteni.
E daño material ta considerabel.
