Diasabra den careda di 12 or di merdia, un muhe di fam Casuela a predenta na Casa Cuna pasobra e kier mira su yiu. Esaki lo tabata prohibi, e personal di Casa Cuna a bise cu e no por mira su yiu.
Casuela a rabia masha hopi mes, e la bira agresivo y a comete varios destrucion.
Polis a wordo pidi y cu urgencia a yega na Casa Cuna pa atende cu Casuela. Na yegada nan a bin topa cu e conocido dama di fam Casuela. E muher aki ta conoci pa polis y tambe pa Slachtofferhulp cu a yega na e sitio.
Casuela a keda deteni y den su rabia a menasa su pareha. E homber cu a hibe na Casa Cuna y ora a nota cu Casuela a bira agresivo aparentmente e mes lo a bati alarma pa evita cu e sigui haci mas daño.
Transportwagen di San Nicolas a yega na e sitio y a transport’e pa warda di polis.
Segun nos compronde cu diamars algo lo mester wordo regla pa asina e mama lo por mira su yiu of yiunan.
