Sabana Grandi:
Diabierna algo prome cu 4’or y mey di atardi, riba e caminda di Sabana Grandi a sosode un accidente frontal. Un Toyota Van blauw di un compania di airco tabata bayendo direccion pariba y un chevrolet Aveo shinishi cu tabata biniendo di direccion contrario pa un of otro motibo a hala mucho na su man robes y a bay dal frontal contra e Toyota van blauw. Polis y ambulance a wordo pidi mesora na e sitio.
E impacto fuerte a laga ambos chauffeur herida, e chauffeur di e Chevrolet a keda pega den e auto, e porta na su banda no tabata habri.
Materialwagen a wordo pidi na e sitio pa asina corta e porta di e auto y saca e chauffeur for di e auto.
Personal di ambulance a trata e heridonan na e sitio y despues a transporta e chauffeur di e Chevrolet pa hospital.
