Pos Abou: Diabierna den careda di 8’or di anochi a sosode un accident frontal riba e caminda di Bushiri pa Pos Abou.
Un Mitsubishi SUV, un dama tabata na stuur y su famia tabata hunto cu ne den auto . Nan tabata biniendo di panort, bayendo pazuid.
Na dado momento un poco mas pazuid di e crusada di Pos Abou, nan a nota un Toyota Yaris biniendo di pazuid, segun nan e auto tabata lus paga y tabata coriendo full na su man robes, biniendo straight riba. E dama tras di stuur di e SUV a cuminsa pita, pero nada e chauffeur di e Yaris no a reaciona na tempo y a dal frontal contra e Mitsubishi SUV.
E impacto tabata uno hopi fuerte cu e airbagnan di e Mitsubishi a sali. E Yaris tambe tabata wordo maneha pa un dama, den e Yaris tabata tin un baby, cu ta nieta di e dama chauffeur. E dama chauffeur di e Yaris tabata herida y tabata keha di dolor.
Polis di trafico tambe a wordo pidi na e sitio, mirando cu e dama den e Yaris su rijbewijs a caduca. E accidente aki ta den man di e specialistanan di trafico pa mas investigacion.
Tres ambulance a presenta pa asina haci un checkeo medico cu tur person cu tabata envolvie den e accidente.
E dama chauffeur di e Toyota Yaris y su nieta a wordo transporta pa hospital.
