Oranjestad, 18 di fernuari – Manera ta conoci AZV y Dr. Horacio Oduber for luna di juli 2021 a cuminsa manda pashentnan cu COVID y cu tawata den estado critico pa Colombia. Na Colombia den intensive care tawata sigui trata e pashentnan aki, mientras cu na Aruba tawata maneha e cantidad di pashentnan den intensive care pa evita di yega e capasidad maximo pero pa keda cu algun cama habri pa emergencia. E cantidad di fayecidonan na Colombia desde juli 2021 no a wordo integra den e tabel na Aruba debi na Ley di privacidad di pashent, sinembargo e cifrasnan aki ta esencial pa data di Aruba.
Pa medio di deliberacion cu AZV riba importancia di e data aki dialuna DVG lo bay por completa e cifras completo di e cantidad di fayecidonan na Aruba y Colombia. Esaki ta e motibo pakico dialuna e cifras di fayecidonan riba e tabel di update lo subi cu un cantidad substancial, pero ta trata aki di personanan cu lamentablemente a fayece algun siman of lunas atras caba.
DVG y Crisis Team ta manda palabra di conodolencia y forsa na tur e famianan di esnan cu a perde e lucha contra COVID y apesar di tur esfuerso haci a fayece na Colombia.