Willemstad, Korsou
Djabièrnè 4 di febrüari 2022 e personal di polis ku ta stashoná na aeropuerto Hato a hasi detenshon di un hòmber pa maltrato.
Despues ku informashon a drenta ku abordo di un buelo prosedente di Amterdam tabatin un bringamentu, e unidatnan na Hato tabata pendiente pa hasi detenshon di e agresor na momentu ku e avion baha aki na Kòrsou.
Alrededor di 14.00’or ku e avion a yega, polis a hasi detenshon di e hòmber sospechoso Q. de J. di 22 aña di edat nase na Hulanda relashoná ku maltrato.
For di investigashon a sali na kla ku durante di buelo e hòmber aki lo a bringa ku un familiar di dje i na momentu ku un personal di kabina a bai pa intervení den e asuntu aki, e sospechoso a agredí e personal di kabina formalmente.
E bringamentu aki a sòru pa bastante pániko bou di e pasaheronan den avion.
A presentá e sospechoso dilanti di un fiskal ouksiliar ku a ordená su enkarselamentu pendiente di mas investigashon.
