ORANJESTAD – Dialuna 7 Februari 2022, un total di 11 persona lo mester presenta dilanti Hues pa e caso penal cu Ministerio Publico a cuminsa contra nan. E caso aki ta hiba e nomber Avestruz.
ARUBA NATIVE por a compronde cu segun e rol di casonan penal, un total di 11 sospechoso ta aparece. E sospechosonan cu mester presenta dilanti den Corte ta: Ewald Biemans, Franklin Abath, Edgar Werleman, Ninosca Nuñez, Oslin (Benny) Sevinger, Reina Richardson, Maria Leoncita Arends, Pieter Susebeek, Carlo Mansur, Curt Harms, y Frederic Every.
For di vocero di Ministerio Publico a ricibi e acusacionnan contra e sospechosonan cu ta :
Biemans y Susebeek ta wordo acusa di soborno di ambtenaar. Biemans ta wordo sospecha di a haci esaki entre Januari 2014 pa December 2017 mientras cu Susebeek di Januari 201o pa December 2017.
Abath ta wordo acusa di falsificacion, estafa y abuso di su funcion entre januari 2014 pa December 2017.
Werleman, Richardson, Nuñez y Arends ta wordo acusa di falsificacion, estafa y soborno di ambtenaar. Ta sospecha Werleman y Richardson di a haci esaki entre Januari 2014 te December 2017. Arends ta wordo sospecha di a haci esaki entre Januari 2013 te December 2017.
Sevinger ta wordo acusa di falsificacion, estafa, tumamento di regalo of promesa, labamento di placa y abuso di su funcion.
Mansur ta wordo acusa di estafa, falsificacion di Januari 2014 te December 2017.
Harms ta wordo acusa di soborno di un ambtenaar y labamento di placa di Januari 2014 te December 2017.
Every ta wordo acusa di falsificacion, estafa, tumamento di regalo of promesa, labamento di placa y abuso di su funcion entre Januari 2010 te December 2017.
E caso lo bin dilanti pro forma caminda abogadonan y Fiscal lo bay bisa kico mas lo mester si kier mas investigacion. Despues lo bay fiha un fecha pa tratamento di e caso.
 |
ReplyForward
|
