SHIRIBANA
Diahuebs den careda di 12’or y mey di merdia. Chauffeur di un Chevrolet Aveo lo a haya un blackout tras di stuur, a baha caminda, ranca un mata y dal contra un cura di cas.
E chauffeur y e ocupante sinta na banda, un señora grandi a keda herida. E señora grandi a ricibi un kap riba su cabes. Un persona cu ta biba eybanda a mara un paña na e señora su cabes. E chauffeur a haya varios rasca na su garganta.
Patras den e auto tabata tin un cacho y dos persona sinta patras. Despues di e impacto e cacho a sali core bay, mesora un di e damanan sinta patras a core tras di e cacho y a logra gar’e.
Un patruya di polis a yega prome na e sitio, mesora a pidi pa presencia Ambulance pa atrata e victimanan.
Polis di trafico tambe a presenta na e sitio pa atende cu e accidente.
