Wayaca: diamars den oranan di atardi un truck a hit and run un palo di lus na Mahuma riba e caminda paden, pariba di Wayaca Falls. Testigonan lo a nota e number di e truck y asina polis a bin topa cu e truck staciona patras di Citgo Wayaca.
Despues di un rato e chauffeur di e truck a sali pafo y polis a logra detene e chauffeur di e truck.
Na momento cu e ta deteni, e la conta cu e ta Colombiano y cu e ta ilegal na Aruba. E truck a haya hopi daño material, ta mustra cu e palo di lus lo a cay riba e parti di dilanti di e truck. E chauffeur a wordo transporta cu transportwagen di polis pa warda di polis caminda lo controla si enberdad e chauffeur ta ilegal, si e ta ilegal e lo wordo pasa pa Guarda Nos Costa, pa aregla su deportacion pa Colombia.
Despues cu e la kibra e palo di lus y e wayanan a keda colga, esaki a pone cu un parti di Mahuma a keda pa basta rato sin coriente.
