Tanki Leendert: Dialuna algo despues di 1 ‘or di marduga, a sosode un accidente riba e caminda di Tanki Leendert un poco pazuid di e rotonde di Tanki Leendert.
Un Toyota Yaris maneha pa un cabayero, tabata biniendo di pazuid y pa un of otro motibo a baha caminda dal contra un palo di lus cu transformer, e palo di lus y e transformer a kibra. E auto mes a bay para algun meter mas dilanti. Bisiñanan a tende un desordo hopi duro, nan a sali pafo y a mira e auto, e palo di lus y e transformer kibra. E chauffeur tabata hopi spanta a sali di e auto. Bisiñanan mesora a bati alarma.
E chauffeur a keda herida cu un kap na su frenta y esaki tabata sangrando hopi.
Polis y ambulance a presenta na e sitio. Despues cu paramediconan di ambulance a controla e cabayero a dicidi di transporte pa hospital pa un checkeo medico mas avansa.
Elmar tambe a wordo pidi na e sitio pa decha e palo di lus.
