Medellin, Colombia/Amsterdam Hulanda
Dialuna den oranan di anochi e sospechoso Saïd R. a wordo entrega na autoridad Hulandes. Saïd ta un di e sospechosonan principalï di e Marengo-Proces
Pa motibonan di seguridad, autoridad Hulandes a charter un avion special y acompaña pa un team di Koninklijke Marechaussee e la bula den oranan di dialuna anochi, for di Medellin, Colombia pa Amsterdam. Esaki e vocero di Ministerio Publico a informa.
Saïd Razzouki hunto cu Ridouan Taghi ta wordo sospecha di ta envolvi den un cantidad di likidacion y traficacionnan grandi di droga. Ambos ta wordo acusa den e Marengo Liquidatie proces. E testigo principal Nabil B. a declara na autoridad cu entre otro Taghi y Saïd ta responsabel pa varios caso di likidacion y intentonan di likidacion di Mocro Maffia.
Taghi e sospechoso principal den e Marengo Proces, pa basta tempo tabata wordo busca y tabata fugitivo, te algun tempo atras e la wordo deteni na Dubai. Taghi tabata kedando den un villa cu cortina semper cera, esaki segun e chef di polis na Dubai.
Hopi lihe despues di Taghi su detencion e la wordo extradita y entrega na autoridad Hulandes. Actualmente Taghi ta encarcela den un Cel na un prison cu extra seguridad na Vught. Su man drechi Saïd Razzouki tabata scondi na Medellin y despues cu e la wordo getrace, e tambe a wordo deteni. Actualmente Saïd ta bek na Hulanda y ta cera na un prison di maximo seguridad. Pa motibonan di seguridad no por divulga na cua prison e ta encarcela.
