159
Djaluna 6 di desèmber 2021 alrededor di 08.23’or Sentral di Polis a risibí notifikashon ku na Piscadera Baai a saka un persona for di awa i e no ta reakshonando.
Mesora a dirigí unidat di Warda di Polis Otrobanda na e sitio i na nan yegada nan a haña un hòmber drumí kantu di laman i no tabata reakshoná. For di un investigashon ku polis a hasi na e sitio, a resultá ku algun persona a bai landa pero e víktima ku no sa landa a keda kantu di laman. Diripiente a tuma nota ku e víktima tabata drif den awa. Mesora a saka e víktima for di awa pero e no tabata reakshoná.
Dokter di polis ku a presentá na e sitio a konstatá alrededor di 09.15’or morto di e hòmber Migdonio Hilario Paula, nasé na Kòrsou 23 di desèmber 1938.
Potret: E Vigilante
