Palm Beach/ Hot zone – Diabierna mey anochi a sosode un caso di hinkamento. Un hoben lo a wordo hinca den su schouder.
Na yegada di polis, nan a wordo indica cu ta trata di otro dos hoben y cu nan a move di e sitio.
Descripcion di nan a wordo duna na polis.
Mientrastanto ambulance tawata yegando e sitio. E ambulance a para ariba caminda y por a mira cu agentenan lo a entrega e hoben herida na e paramediconan.
Segun informacion haya na e sitio, un sker lo a wordo usa pa comete e atake.
Instancianan concerni a wordo poni na altura manera e departamento tecnico di polis.
Por a mira cu e establecimiento tawata bon bishita pa un grupo grandi di hobennan.
Paramediconan hunto cu polis a sali direccion Hospital algun minuut despues.
Na oktober 2018 despues di un problema un hoben a perde su bida, momento cu e la ricibi un hinca ariba e parkeerplaats eybanda.
