Rooi Santo – Diasabra marduga pa mas o menos 12:30 habitantenan a scucha un zonido duro, ariba caminda di Rooi Santo. A resulta cu tawata trata di un accidente frontal.
Mesora a avisa polis y ambulance.
E autonan envolvi tawata un BMW y un Suzuki Jimny.
Na stuur di e BMW tawata tin un dama, cu lo ta esun cu a causa e accidente
Polis cu a yega na e sitio a ripara na actuacion di e dama cu e lo ta bou influencia. Esaki a conduci cu polis a pone supla unda e la faya 3 biaha.
Ey ta unda cu e la wordo aresta pa core auto bou influencia.
Transportwagen a presenta y a hiba e señora warda di Shaba.
Dos ambulance a presenta pa por a atende dos persona herida cu tawata den e Suzuki Jimny.
Un lo a wordo atendi na e sitio mes, mientras e otro a bay Hospitaal.
