Republica Dominicana:
Yiu muhe di e fayecido actor Paul Walker di peliculanan Fast and Furious, a drenta enlace matrimonial cu Louis Thornton-Allanr.
Meadow Walker y Louis Thornton-Allanr a verloofd na augustus.
E modelo Meadow Walker, yiu di e fayecido actor Paul Walker (1973-2013) a casa cu e actor Louis Thornton-Allanr, na comienso di oktober y diabierna ultimo, e la haci esaki publico riba rednan social.
Pa motibo cu su tata a fayece 8 aña pasa, e la dicidi di pidi e miho amigo di su tata pa hibe altar. E miho amigo y hopi yega na famia di Paul Walker, ta e otro actor famoso di Fast and Furious, Vin Diesel. Vin Diesel tabata tin e honor di a hiba e hoben di 23 aña altar. E tabata un momento hopi emocional Vin Diesel ora e tabata hibando Meadow pa e altar, mirando cu ta trata di e yiu muhe di su miho amigo dfm.
Segun e revista Vogue, e tabata un ceremonia chikito, cu a tuma lugar riba beach na Republica Dominicana
Na augustus ultimo, Meadow Walker a confirma su compromiso cu Louis, kende ta un studiante actor na e scol di arte dramatico, Stella Adler Studio of Acting na New York.
E yiu muher di Walker y Mark Sinclair Vincent (e nomber oficial di Vin Diesel) despues cu Paul a fayece den e accidente fatal, nan a bira hopi close cu otro por bisa inseparabel.
Na varios ocasion Meadow a mustra publicamente cu e ta manera parti di e famia di Vin Diesel y tambe e tin un hopi bon relacion cu e yiunan di e miho amigo di su fayecido tata. Vin Diesel tin tres yiu, Hania, di 13 aña, Vincent, di 11 y Pauline, di seis aña.
