Homber a fayece despues cu un trailer a cay ariba dje

Cura Cabay – Diamars mainta pa mas o menos 10.54 Central di Polis ta haya un melding cu un trailer lo a cay ariba un persona na un cas na Cura Cabay. Na yegada di patruya a bin constata cu e persona no ta reaccionando.

Conhuntamente cu e personal di Brandweer ta logra libera e persona.
Personal di Ambulans a purba reanima e persona pero tawata envano.

Pa 11.27 Dokter Texier ta constata morto di e homber Gregory S. Panneflek di 35 aña di edad. Personal di DTI y BFTO a bin na e sitio pa haci e investigacion.
Cuerpo Policial ta manda palabranan di condolencia na e famia di e fayecido.