141
Mamoticastraat, Tarabana: Diabierna algo despues di 8’or di mainta presencia di polis a wordo pidi cu urgencia pa un auto cu lo a pega candela den Mamoticastraat.
Na yegada enberdad nan ta bin topa cu un auto cu hopi daño di candela, pero candela mes tabata paga caba.
Na e sitio nan a bin compronde cu enberdad e auto a pega candela pero e habitantenan den e caya mesora a actua y cu hemchi di awa y tera a logra paga e candela. E candela a cuminsa den e motor y a causa hopi daño na e parti paden di e auto.