Koningstraat, Oranjestad: Diasabra den oranan di anochi, den Koningstraat na altura di Cas di Partido AVP, polis a para un Nissan March color shinishi pa un control. Na momento cu nan a pidi e chauffeur pa su documentonan valido, e no por a mustra polis niun documento valido.
No a keda polis nada otro di detene e chauffeur aki y pidi pa transportwagen pa transport’e pa Warda di Polis.
Transport di CEA a busca e persona aki y a transporte pa warda di polis. E auto a keda staciona canto di caminda.
Na warda di polis, lo bolbe averigua si e persona aki por tin un estadia valido pa ta na Aruba y si e esaki enberdad no ta e caso, e persona aki lo wordo pasa pa Guarda Nos Costa pa asina nan cuminsa cu e tramitenan pa e por wordo deporta for di Aruba.
