Rotterdamstraat – Diahuebs anochi laat den careda di 10:30 pasa polis y ambulance a bay un adres den Rotterdamstraat, unda cu lo tawata tin un explosion.
Un persona lo a wordo herida. Na yegada di polis nan a compronde cu lo tawata trata di un explosion di gas.
E explosion a causa basta daño na e area unda esaki a sosode.
Locual a sosode ta cu durante dia e famia lo a laga instala un stoof nobo, y posiblemente e instalacion tawata tin un leak. Esaki a causa cu e cas a yena cu gas y lo a haya contacto cu algo unda cu e la cende causando e explosion.
Brandweer tambe a presenta pa mira e situacion y controla si por tin mas peliger.
Na yegada di ambulance e Paramediconan a trata cu e persona herida.
A pidi presencia di slachtofferhulp y tambe un experto di e compania di Arugas.
Tur bentana di e cas a wordo habri pa e gas por a sali.
