Aruba Para Taekwondo ta haciendo historia un biaha mas den mundo di deporte. Elliott “Lefty’ Loonstra hunto cu su coach Luciano Mazzeo a logra gana su lugar pa e weganan Paralympico di Tokio 2020 +1 cu ta oficialmente confirma door di IPC (International Paralympic Committee) y CPA (Comite Paralympico Aruba).
Taekwondo lo debuta pa prome biaha den e weganan Paralympico na Tokio 2020 +1 y tambe na Paris 2024 y Los Angeles 2028. Taekwondo a wordo inclui na e Tokio 2020 +1 na 2015 siendo un deporte asina jong y na 2005 e World Taekwondo Federation (WT) a crea e comite di Para Taekwondo cu e esfuerso di desaroya y promove Taekwondo entre atleta nan cu tin desabilidad nan fisico.
Na Aruba e inicio oficial di Para Taekwondo tabata na 2018 ora cu Elliott Loonstra a cuminsa cu su training bou guia di e maestro Luciano Mazzeo cu e obhetivo di participa na e debut di Para Taekwondo na e weganan Paralympico na Tokio, Japon.
Tokio 2020 +1 lo tuma lugar di 24 di augustus pa 5 di september 2021. Esakinan a wordo posponi pa un aña pa motibo di e pandemia y e edicion aki lo ta sin publico presente como medida di prevencion y tecnologia di ultimo generacion lo wordo usa pa un mihor transmicion di television, online y tambe participacion di fans den e diferente rednan social.
Pa Para Taekwondo lo participa 72 atleta di 36 pais den 6 categoria; 3 pa hende muher y 3 pa hende homber di cual cada un cu 12 atleta cu lo tuma lugar e dianan 2, 3 y 4 di september 2021. E ultimo dia aki Elliott ‘Lefty” Loonstra lo competi den e categoria di hende homber cu peso di mas di 75 kg. E paisnan compitiendo pa e gloria lo ta Aruba, Costa Rica, Croacia, Estados Unidos di America, Gran Britania, Iran, Kazakstan, Libia, Morocco, Mexico, Turkia y Rusia.
Elliott ta e prome atleta pa Para Taekwondo di Aruba, un medayista internacional cu 1 medaya di plata y dos di brons di cual un di nan el a gana durante e Pan American Games di Para Taekwondo.
Despues di mas di tres aña di trabou duro, dedicacion y especialmente cu e apoyo di famia Loonstra e obhetivo di participa na e weganan Paralympico a wordo logra, demostrando cu dedicacion y esfuerso ta duna su fruto.
Tokio 2020 +1 lo ta e di dos biaha cu Elliott lo ta e unico atleta representando Aruba den weganan di tal magnitud cordando cu na 2019 tabata e debut di Para Taekwondo na e ParaPan American Games cu a tuma lugar na Lima, Peru. Aki tambe Elliott a participa den e categoria K44 +75 kg.
#ArubaParaTaekwondo #ArubaParalympic #ArubaParalympicCommittee #WorldParaTaekwondo #ParalympicGames #Tokyo2020 #WorldTaekwondo #Paralympics2020 #IPC
Luciano Mazzeo
Taekwondo Master | Kukkiwon 4th Dan #: 05374178
Aruba Para Taekwondo Coordinator
Aruba Para Taekwondo International Coach
World Para Taekwondo Poomsae Committee Member
World Para Taekwondo International Coach Level 2
World Para Taekwondo National Classifier Level I
World Taekwondo International Coach Level 2
World Taekwondo Pan America Coach Level 5
+297 630 47 43
Skype : lmazzeo
ArubaTaekwondo.org
Aruba Paralympic Committee
International Coach
