Rotonde Tanki Leendert/ Watty Vos Boulevard – Diahuebs anochi algo prome cu 8’or polisnan a bay cu urgencia na e rotonde nobo di Tanki Leendert, unda auto a dal un ciclista.
Na prome instante a wordo bisa cu e ciclista ta seriamente herida, esaki a pone cu unidadnan ariba caya a dirigi nan mes cu urgencia pa e rotonde.
Ariba e rotonde a topa un hoben ariba suela y un Lexus suv cu un hoben como chauffeur. Nos por a scucha e chauffeur bisa cu e no a mira e ciclista.
Ambulance tambe a yega e sitio y mesora Paramediconan a bay atende cu ciclista, despues di un rato e mucha homber a lanta y cana drenta Ambulance unda e la wordo controla na e sitio mes.
Polisnan mester a desvia e trafico pa un rato pa Paramediconan por a haci nan trabou, debi cu e hoben tawata ariba caminda ainda drumi.
Polis di trafico a tuma dato y despues tur hende por a continua nan caminda.
E bicicleta si lo mester a bay den e pick up door di e wiel a dobla y un pedal a kibra.
