137
Noord/ Palm Beach – Diamars merdia den careda di 3:25 p.m polis a bay e crusada di CMB situa na Noord, unda lo tawata tin un accidente di trafico cu hende herida.
Na yegada polis a topa e autonan memey di caminda. Tawata trata di un Ford Edge y un Hyundai Getz.
Den e Ford Edge tawata tin algun mucha, pero nan tawata mustra ok.
Na nos yegada ya ambulance tawata na e sitio y Paramediconan tawata atendiendo un persona paden.
Por a mira chauffeur di Ford poco emociona di loke a sosode y e tawata yorando.
Ta mustra cu e Forde Edge lo a bay bira na su man robes sin duna preferencia na e Getz, y esaki a causa e accidente.
Departamento di trafico a presenta na e sitio pa tuma dato di loke a pasa.