Den Haag – Recientemente Corte di Husticia na Den Haag a sentencia un ex Officier van Justitie na cinco luna di prison, door di tawata tin sex cu un menor di edad. E ex officier tawata paga e mucha homber.
E ex plaatsvervangend Hoofd Officier van Justitie Vincent L. a wordo haya culpabel y a ser sentencia na castigo di prison incondicional door di a tene relacion cu un menor di edad.
Na 2016 e la tene relacion sexual na varios ocasion cu un mucha homber menor di edad, esaki tawata sosode a cambio di placa.
Cual tawata encera chips, cerbes, sigaria y tambe placa.
E ex officier tawata mira solamente su propio interes y satisfaccion, pues e no tawata tene cuenta cu e consecuencianan di su acto. Esaki segun vocero di Ministerio Publico.
Corte di Husticia a tuma esaki hopi na malo mes. E mester a pensa bon ariba su funcion y e diferencia di edad o sea e mester tawata sa miho.
Door di su comportacion e la atacha e imagen tambe di Ministerio Publico.
E interes di media den e caso aki no ta significa cu e officier lo haya menos castigo. E caso a dura mas largo cu normal ta un hecho.
Y pa e motibo ey e la haya un castigo di prison di 5 luna enbes di 6.