197
Paradera – Diadomingo anochi den careda di 7’or polis di Santa Cruz y polis di trafico a bay altuna di Chetos situa cerca di e dam di Paradera. Eynan un auto a ranca un palo di luz.
Na yegada di polis nan a topa cu Toyota 4Runner pega contra un palo cu a wordo ranca. Un cantidad di waya a keda colga debi na esaki.
Polis a papia cu e chauffeur y e la conta cu e la bay kita pa no dal un cacho, y esaki a causa cu e la perde control bay dal e palo di luz.
E mes no a resulta herida.
Coriente a bay debi na esaki y Elmar a wordo pidi na e sitio.
Caminda mester a wordo cera debi na tur e wayanan y e auto cu a keda ariba caminda.