Oranjestad – Diaranson den oranan di mainta un biaha mas a trece Franklin Abath, manera ya nos a trece dilanti caba.
Loke nos a trece dilanti tambe ta cu na momento cu transportwagen di C.E.A ta yega dilanti oficina di Landsrecherche, un vehiculo mas di siguridad ta yega hunto cu e transportwagen.
Landsrecherche observando momento cu Franklin Abath ta subi transportwagen di C.E.A
Momento cu Sr.Abath baha ningun hende por yega cerca te ora e bay paden den Landsrecherche.
Nos a haci nos parti investigativo pakiko e siguridad momento cu Abath yega Landsrecherche, a bin resulta cu Franklin Abath lo tin of a haya menasa di morto. Esaki ta conta principalmente pa ora Abath mester presenta na oficina di Landsrecherche.
Asina por mira embergadura di e caso aki, cu ta bay asina leu cu baho mundo ta teme pa locual e sospechoso aki declara. Franklin Abath miho bisa su bida lo ta coriendo peliger.
Abath ta deteni actualmente na K.I.A relaciona cu investigacion ariba caso Avestruz.
Kiko ta e motibo pa cu tin menasa di morto ariba su persona no ta conoci.
