Sero Blanco – Diahuebs anochi algo pasa di 8’or polis a wordo avisa di un persona haciendo straño ariba caminda y a cuminsa kita su paña.
Na yegada di polis nan a topa cu un cabayero cu tawata comunica cu e agentenan na ingles.
Na e sitio un testigo a bisa Arubanative cu e homber sin paña a tawata haciendo push ups memey di caminda.
Esaki sigur algo hopi peligroso, mirando cu e e area ta scur y ta facil pa auto por a dal e.
Polisnan mirando su condicion y cu muy probablemente e tawata bou di influencia di algo a pone den boei.
Un cabayero den e area a facilita polisnan cu un pida paña pa asina tapa e curpa di e cabayero.
Mientrastanto transportwagen tawata na caminda.
Na su yegada polisnan a lora e homber den e paña y subi’e den e vehiculo unda e la wordo transporta pa cel di warda di polis.
