Colegio San Augustin a gradici Freewinds pa nan aporte

Dianierna ultimo Directorado di Colegio San Augustin a invita Port Captain Ken Weber pa pasa scol pa asina por duna un reconocemento na Freewinds. Desde aña pasa Freewinds ta aporta pa desinfecta scol sin costo algun. Esaki ta parti di e trabou cu Freewinds hunto cu su Volunteer Ministers ta haciendo pa comunidad di Aruba. E trabou cu nan ta haci ta permiti maestro y studiantenan traha y haya les den un ambiente mas sano. Un biaha mas den nomber di alumnonan, maestronan, mayornan y staff di Colegio San Augustin nos kier a bisa Freewinds masha danki (thank you so much!)