Oranjestad: Diaranson den careda di 1 ‘or y 45 di merdia, transportwagen di C.E.A. a yega na Oficina di Landsrecherche pa busca un detenido.
E detenido tabata señora Leoncita Arends, kende ta deteni for di 13 di april como un sospechoso den e caso Avestrus.
For di oranan di mainta Sra. Arends tabata na Landsrecherche pa interogacion. Esaki ta indica cu ainda Landsrecherche no a keda cla cu e interogacionnan di Sra. Arends.
Leoncita actualmente ta encarcela na K.I.A. transportwagen di C.E.A. a transporta Leoncita pa K.I.A. Den e dianan nos dilanti e chens ta grandi cu e lo por wordo treci un biaha mas na Landsrecherche pa mas interogacion.
Tambe no ta descarta e posibilidad cu den e dianan nos dilanti mas detencion lo sigui cay, segun nos a compronde ta un lista largo tin pa interoga, algun lo wordo deteni y otro lo wordo yama pa presenta. Caso Avestrus ta den full swing.
