Bushiribana pa Natural Bridge – Diabierna mainta den careda di 11:30 911 a haya informacion di un accidente mas cu UTV pariba di Bushiribana direccion Natural Bridge.
Ambulance y polis a wordo poni na altura y a sali direccion pa e sitio indica.
Na yegada di polis nan a constata cu ta un hobencito di mas o menos 13 pa 14 aña ta esun herida. Mesora a pidi pa ambulance, aunke esaki ya tawata na caminda.
Na yegada di Ambulance nan a atende cu e mucha homber y un otro mucha muhe cu a ricibi algun rasca.
Paramediconan a opta pa hiba e mucha homber Hospital, unda cu nan lo por controla e golpinan cu e la ricibi na su frenta y wowo.
Por bisa cu casi tur siman tin accidentenan cu sea quadracer of0 utv’s y mayoria ta cu turistanan. E mesun patronchi, cu durante cu nan ta bay off road nan ta bay haci maniobranan cu ta salinan caro.
No ta conoci si esnan cu ta huur/rent e vehiculonan ta papia of duna e turistanan un folder pa mustranan e peligernan di e aparatonan aki ora bo haci mal uso di nan.
