Diaranson 21 di April 2021, mi a haya e di dos shot di e vacuna. Ami a vacuna pasobra mi ta convenci cu e vacuna ta e solucion pa por vence e pandemia. No solamente e lo e scapa bida, proteha salud di nos tur, pero na mes memento e ta bay yuda Aruba su economia recupera mas liher y poco poco lo duna nos nos libertad bek.
Si abo no a registra ainda y kier vacuna, diasabra y diadomingo awor ta bo chens. Aruba ta bay organisa su prome VACUNATHON dianan 24 y 25 di april 2021. E VACUNATHON lo tuma lugar na 4 lugar, esta na Teresita Center na San Nicolas, Centro Libertador Betico Croes na Santa Cruz, Don Bosco Club na Noord y na Ritz-Carlton hotel for di 9:00 am pa 4:00 pm ‘NON STOP’. Bo mester solamente presenta cu bo carchi di AZV! Mester tuma bon nota cu e VACUNATHON ta unicamente pa aplicacion di e prome dosis di e vacuna.
E meta di e dos dianan aki ta pa logra vacuna 10 mil hende adicional contra COVID-19. Ya casi 44.000 hende a vacuna y mas cu 50.000 a registra. Vacunacion ta un acto di solidaridad y reponsabilidad conhunto. Porfabor ban nos tur haci uzo di e oportunidad aki.
Ban vacuna! Hunto nos ta avansa, trahando hunto nos ta logra mas.
