183
Tanki Leendert:
Diadomingo den careda di 10’or di anochi, presencia di polis a wordo pidi na un cas na Tanki Leendert, esaki pa motibo cu dos ruman lo tabata bringando cu otro. Un di e rumannan tin Covid-19. E mama cu ta un persona cu recientemente a wordo opera, no tabata por cu e bringamento aki.
Hopi lihe polis a yega na e cas y a atende cu e problema aki. E mama tabata tin mester di ayudo, pero e yiu cu ta biba na e cas cu e mama tin Covid y e no por yuda e mama pa e bay den su camber. Polis tampoco no por a yuda e senjora, pa motibo cu e yiu cu tin Covid y e polisnan no kier tuma niun riesgo.
E polisnan a pidi pa presencia di ambulance, nan tin pak special pa drenta den e cas y asin e senjora por haya e yudansa necesario.