Kralendijk, Boneiro: Diabierna den careda di 7’or y 45, a drenta via di e VHF-Kanaal 16 un melding di un barco di bela cu tabata den problema den area di Boneiro.
E team di RCC a tuma contacto cu e avion Dash di patruya
mesora, nan bai na e luga indica.
Na momento cu nan a yega, nan e mira cu e barco di bela a dal contra baranca panort di Lac Baai. Un persona cu tabata abordo di e barco di bela a logra yega tera y tres otro a keda abordo.
E team di RCC a tuma avisa Pons (KPCN) y koninklijke Marechaussee (KMAR) informa nan di e barco di bela pega riba baranca panort di Lac Baai. Ambos mesora a manda un patruya na e sitio. Tambe e helicopter AW139 di Warda Costa tabata cla pa dua cualke asistencia.
E asistencia di e helicopter no tabata necesario pa motibo cu polis mes tabata tin e situacion bou control y e personanan mes por a piki nan pertenencianan for di riba e barco di bela.
Un biaha mas un bon trabou di Warda Costa y tur e instancianan di servicio.
