Pagaaistraat – Diaranson algo prome cu mey anochi polis a wordo manda cu urgencia Pagaaistraat unda un atraco a sosode.
Patruya cerca di e adres cu ta un zijstraat di Driemasterstraat a yega hopi lihe.
Mesora nan a wordo splica kiko tur a sosode y cu no ta e momento ey e atraco a sosode pero basta rato prome.
Pues nos ta papiando di un atraco ariba un cas un cu e habitantenan a wordo mara segun nan version door di tres atracador bisti na preto.
For di Vocero Policial Sr. Lacle nos ricibi a siguiente informacio oficial :
” —Cuerpo Policial ta informa—
Atraco na Pagaistraat
Un rato pasa 3 hende homber papiando spaño cu arma di candela a drenta un cas na Pagaistraat y a atraca y mara e habitantenan den e cas.
Te ainda no tin specifico kiko nan por a bay cune.
Atraco Team a presenta na e sitio, polis tecnico y tambe slachtofferhulp.
Pa Cuerpo Policial por resolve mas caso cooperacion y informacion di pueblo di Aruba ta hopi importante pesey nos ta pidi si bo tin cualkier informacion jama nos tiplijn: 11141. Nos ta garantisa cu bo ta keda anonimo “.
